Ավետման տոն

Կրկին տոնական մթնոլորտ էր Կարենիսի միջնակարգ դպրոցում: ՀԵՊ ուսուցիչ Հասմիկ Մկրտիչյանը կազմակերպել էր համադպրոցական միջոցառում՝ նվիրված << Ավետման, Մայրության և գեղեցկության >> տոնին: Մասնակցում էին դպրոցի 2- 8-րդ դասարանների աշակերտները:
Միջոցառմանը ներկա էին Մայր Աթոռ Սուրբ Էջմիածնի Քրիստոնեական դաստիարակության կենտրոնի Հրազդանի տարածաշրջանի պատասխանատու՝ Անժելա Ղլեջյանը և Չարենցավանի Սուրբ Փրկիչ եկեղեցու հոգևոր հովիվ՝ Արժանապատիվ Տեր Իսահակ քահանա Մարգարյանը:
Կատարվեց նաև կրթօջախի օրհնություն:

 

 

Թենիսի մրցույթ

Այսօր կայացավ թենիս  մարզաձևի տարածքային  փուլը, որտեղ  մասնակցում  էին Չարենցավանի  և հարակից  գյուղերի  հավաքական  թիմերը:

Հաղթելով  բոլոր  դպրոցների  թիմերին Կարենիսի  միջնակարգ  դպրոցի  թիմը     /Կոնջորյան  Կամո, Խաչատրյան  Թադևոս, Դավթյան  Բենիկ/

գրավեց  առաջին  տեղը  և անցավ  մարզային  փուլ: Կեցցեք տղաներ:

Միջինք

Կարենիսի  միջնակարգ  դպրոցում  մեծ  խանդավառությամբ  նշվեց  Միջինքի ծեսը:

Անիրավ տնտեսի կիրակիից հետո , Մեծ Պահքի 24-րդ օրը կոչվում է Միջինք, դա նշանակում է ,որ մեծ պահքը հասել է իր կեսին:
Համաձայն ժողովրդական սովորության միջինքի մեջ դրվում էր որևէ նշան՝ դրամ , ուլունք և այլն:
Ում բաժնից որ դուրս գար, այդ տարվա ընթացքում նրա հաջողությունն ապահովված էր:

ՀԵՊ ուսուցիչ՝ Հասմիկ Մկրտիչյան

7 մարտ 2018 թվական

Ձեռնարկատիրությունը տեխնոլոգիայում

Այսօր Կարենիսի միջնակարգ դպրոցի 2-րդ և 3-րդ դասարանների աշակերտները հերթական՝ ձեռնարկատիրությունը տեխնոլոգիայում ինտեգրված դասն իրականացրեցին:
Մարտի 8-ի կապակցությամբ որոշել էին գունավոր թղթերից ծաղկեփնջեր պատրաստել:
Դասի թեման՝ Բիզնես գաղափար
1. Աշակերտները թվարկեցին ձեռներեցի հատկանիշները:
2. Խոսեցին նորարարության և ստեղծարարության մասին:
3. Անցկացրեցին շուկայի հետազոտություն:
4. Կատարվեց ուսումնասիրությունների և հետազոտությունների վերլուծություն:
5. Կատարվեց աշխատանքի պլանավորում
6. Ըստ պլանավորած քայլերի կատարեցին աշխատանքը՝ գունավոր թղթերից պատրաստեցին յուրօրինակ ծաղկեփնջեր, որոնք նվիրեցին մայրիկներին, իսկ առջևում դեռ << Մայրության և գեղեցկության տոնն է>> և նախատեսել են նմանատիպ աշխատանքներ պատրաստել վաճառքի նպատակով: Դասը բավականին հետաքրքիր և ուսուցողական էր:
Դասվար՝ Հասմիկ Մկրտիչյան

Կանանց միջազգային օր

Մարտի  7-ին  Կարենիսի  միջնակարգ  դպրոցում  տեղի  ունեցավ  միջոցառում  նվիրված  կանանց  միջազգային  օրվան:

Միջոցառմանը  մասնակցում  էին  դպրոցի  5-րդ  և 6-րդ  դասարանների  աշակերտները: Կազմակերպիչ՝  Լիաննա  Մնացականյան

Մայրենիի օր

Փետրվարի 21-ը Հայոց պետական տոնացույցում իր արժանի տեղն ունի, այն UNESCO-ի կողմից ճանաչվել է <<Մայրենիի օր>>: Այդ կապակցությամբ Կարենիսի միջնակարգ դպրոցում կազմակերպվել է ուշագրավ միջոցառում՝ 2-4-րդ դասարանների աշակերտների մասնակցությամբ:
Մշակութային ժառանգության պահպանման ու զարգացման համար լեզուն ամենաուժեղ գործիքն է: Հայոց լեզվի արժևորմանը նվիրված միջոցառմանը երեխաները մեծ սիրով ու խանդավառությամբ էին պատրաստվել:

Միջոցառմանը հրավիրված էր նաև Մայր Աթոռ Սուրբ Էջմիածնի Քրիստոնեական Դաստիարակության կենտրոնի Հրազդանի տարածաշրջանի պատասխանատու Անժելա Ղլեջյանը: Նա իր շնորհակալական խոսքն ասաց միջոցառման կազմակերպիչ Հասմիկ Մկրտիչյանին և դրվատանքի ու գովեստի խոսքերով ոգևորեց միջոցառումը ներկայացրած աշակերտներին:

Միջոցառման ավարտին երեխաներին գրքեր նվիրեցին ծնողները:
Միջոցառման կազմակերպիչ՝ դասվար Հասմիկ Մկրտիչյան
Մանրամասները տես Կարենիսի միջն դպրոցի Ֆեյսբուքյան էջում:

Տյառն ընդառաջ

Այսօր Կարենիսի միջնակարգ դպրոցում կրկին տոնական տրամադրություն էր:
Դպրոցի 2-11-րդ դասարանների աշակերտները սիրով էին պատրաստվել Տյառնընդառաջի տոնին:Նրանք ներկայացրին տոնի խորհուրդը, անցկացման կարգը: Դպրոցի բակում վառվեց ավանդական խարույկը: Միջոցառման մաս էին կազմում նաև երգը, պարը և հյուրասիրությունը…
ՀԵՊ ուսուցչուհի ՝ Հասմիկ Մկրտիչյան

Նկարները  և  տեսանյութերը՝ Կարենիսի  միջնակարգ  դպրոցի Ֆեյսբուքյան  էջում:

Ձեռնարկատիրությունը Կարենիսի միջնակարգ դպրոցում

Ձեռնարկատիրությունը Կարենիսի միջնակարգ դպրոցում

Կարենիսի միջնակարգ դպրոցի 2-րդ և 3-րդ երկհամակազմ դասարանում անցկացվեց «Տեխնոլոգիա» առարկայի հերթական դասը: Դասի թեման է «Ձեռներեցություն» : Աշակերտները շատ լավ են տարբերում «Ձեռներեց» , «Բարիք ստեղծող» , «Ապրանք և ծառայություն» հասկացությունները: Ուսուցչուհու օգնությամբ նրանք պատրաստեցին «Ձեռներեց հավ մայրիկը» թեմայով գեղեցիկ պաստառ: Աշակերտները մեծ սիրով և ոգևորությամբ են աշխատում: